Darparu atebion hyfforddi arbenigol yn y sector cyflogaeth
Sefydlwyd ELITE Training Solutions (ETS) yn 2018, ac mae'n brif ddarparwr hyfforddiant proffesiynol, arbenigol yn y sector cyflogaeth. Yn wreiddiol yn rhan annatod o ELITE Supported Employment, rydym wedi tyfu i fod yn fenter hyfforddi ar wahân, diolch i ansawdd eithriadol yr hyfforddiant a ddarperir gan diwtoriaid sydd â dros 20 mlynedd yn y diwydiant. Rydym yn cynnal sesiynau hyfforddi wyneb yn wyneb ledled y DU ac Ewrop, yn ogystal â chyrsiau digidol hefyd, ar gyfer profiad dysgu rhyngweithiol sy'n ennyn diddordeb.
Rydym yn falch iawn o gynnig ystod gynhwysfawr o raglenni sydd wedi'u cynllunio i ddiwallu anghenion amrywiol unigolion a sefydliadau. Fel rhan o'r grŵp ELITE rydym yn Arweinydd Hyderus o ran Anabledd, ac yn mynd ati i hyrwyddo'r model Cyflogaeth â Chymorth. Mae hyn yn cynnwys cyflwyno ein Tystysgrif Lefel Tri achrededig ar gyfer Ymarferwyr Cyflogaeth â Chymorth
Rydym yn cyflwyno pynciau newydd yn rheolaidd i'n portffolio, gan gynnwys Cymorth Cyntaf ar gyfer Iechyd Meddwl, Cynorthwyo Cwsmeriaid Anabl, a Lles yn y Gweithle. Gydag enw da am ragoriaeth a hanes o lwyddiant, ELITE Training Solutions yw'r dewis delfrydol i'r rhai sy'n chwilio am brofiadau dysgu hygyrch, cynhwysol a chyfeillgar.
Gyda dros ugain mlynedd o brofiad yn gweithio yn y sector cyflogaeth â chymorth, gan symud ymlaen o Hyfforddwr Swyddi i Uwch Reolwyr, mae Chris yn arwain y tîm ETS. Ers 2012, mae Chris wedi darparu hyfforddiant llwyddiannus ar ystod o bynciau i weithwyr proffesiynol eraill ledled Ewrop.
